7119,"問答","ニューニのウガンガ1","Mematanga(Murindadze)","Katana: Yuya ye wa kukala ukudza na mwana mukongo dzana na usiku.. Mematanga: Mmmh. Ni mkaza Tsuma. Wakala unyakpwa ye mwana. Sambi nichidza muvunzira vunzira mavuo.. K: Maana dzana yakala ni dziloni phapha naona muchetu wimire phapha tu, unamba 'Ni nyani asena amanyaye kupiga..' Nasikira unagomba yo sautiye, unamba 'Ni nyani ye amanyeye maphungo maphungo phano, ni nyani?' Dzana yiyo. Mem: Namuvunzira vunzira maphungo maphungo. Ta tsimanya ulaladze. Sere nichire na phapho nimulole be. Wari unyakpwa ye mwana. K: Kpwa hivyo nikukala munamanya kuhusu mambo ga nyuni? Mem: Ga nyuni aa nagamanya. Kpwa maana uchikala muvyazi, yuyatu mwana achuruswa, unawalwa ni mugangao yedzeurusa mwana, unakonyesa mihi. Maana ni kuhenda vivyo akanyakpwa na muganga yu kure. Na unamanya mwana achinyakpwa, siti umone dza wamba udzefa. Haya unamuvugire garatu maphungo go oneyswa, unamuvugira unamogesa.. K: Mmh. Mem: Ni kpwenda akakochezwa ni anache ayae(while caught when playing with his friends), ukenda muvunzira garatu maphungo na ukadza vula ziratu pingu, ukazitiya ndani ya vuo, ukamogesa, ukamudzira pinguze. K: Ooh. Sambi karache gara mambo ga nyuni ni kukala uhendagula hebu?",,1994/1/22 0:00:00
7120,"問答","ニューニのウガンガ2","Mematanga(Murindadze)","Mematanga: Uhenda gula garatu, mwanangu. Utsilale, ukaloha mihi ya nyuni! Tsi p'ep'o yuyatu kpwamba unadza chitswani. (laughter) Mem: Uhenda onyeswa yiyatu mihi, na kumanya garatu marumi. Ta mimi nami vivi dzifundisha yuyu ndugu yenu kpwa mino hata mwanzo ni mukaha... K: Yuyu Matanga? Vyoo. Unamanya chidide chidide mihi ya nyuni? Mem: Ta ni unayimanya yosi. Ta kasoro ndonga tu. Ndo tsidzangbwe kuyipatira viryangona. Na ndamufanyira maana nikuhenda vivyo akadza pata muchetuwe.. K: Ni jeri sana, ugbwirikana na shida akakala unadzokola. Mem: Eee akakala yunadzokola. Maana vivi uchituwa mutu, muhaso wenye ni magana manne. K: Tsiku zizi. Mem: Eee. Uchenda pha muganga ni magana manne. Ha chikala we mwenye unamanya, ni kudzukira be ukatuwa ro ra kpwenda ko kpwa muganga. K: Ni vivyo vyenye. Mem: Mba vivi yiye dzana wakpwenda lala ye mwanache. Kanyakirwe kahiri.",,1994/1/22 0:00:00
7121,"問答","ニューニの種類1","Mematanga(Murindadze)","Katana: Na ano nyuni a mara ngaphi? Mematanga: Aa nyuni ni anji. Maana chila kabila rina nyuniye. Kuna nyuni wa chiraphai, kuna wa chikauma, kuna wa chiduruma. Haya. K: Kuna kahi ni wa kafulo.. Mem: Ye wa kafulo ndiye wa chiduruma. Wa kafulo, wa chigulu na mukono, wa kausha. Kuna wa mwabuibui. K: Eee mwabuibui? Mem: Eee wa kuvyalwa ye mwana, akagaluka kare piii pipipi. Hata uchimulola o mulomo wamba udzerya udzimuphaka wino! K: Mmmh. Mem: Na wa kumuvyala ukamona ye mwana wee. Mwanzo chikala undanyakpwa, undamona wee. Aonde, wee. Kana kamare ta damu. Ha undanyakpwa. Kakucha kpwanza. Unaidima kumvyala kare, akanza kare kurira na akazimia kare phapho, ta ukamanya yuyu mwanangu uzimia. Haya uvyalwa naye kare. K: Waa!
Mem: Na wa kuvyalwa akaonda ye mwana. Ta ukapiga muchetu kpwa ta ni chirwa yiyi. Na aa, akakala ni nyuni. K: Kumba ni nyuni. Sambi ye aondesaye naye ni nyuni wa? Mem: Ni nyuniwe kare. Unaihiwa nyuni wa kachirwa.",,1994/1/22 0:00:00
7122,"問答","ニューニの種類2","Mematanga(Murindadze)","Katana: Ooh nyuni wa kachirwa. Mematanga: Ee. Unafanyirwa chiza, unaogeswa phapha muhalani. Chinaikpwa muvunguni. Mba mudzinuza mwi? Nyuni huya unadza ndosoni kpwa muchetu. Yurere yuna mimba. Akaloha yunakala na mulume. Kuhenda muloha komani. K: Uhenda muloha komani. Mem: Eee achivyalwa mwana siti dze, na chirwa. K: Mmh. Mem: Ni nyuniwe kare yiye. K: Amulohe dza viratu. Mem: Ee dza viratu unaloha ni mtsana vivi.. Dza viratu urivyo unahenda chitendo na muchetu, wala uwe mulume mwenye, ukaloha muchetu hiyu unahenda naye chitendo, na achivyalwa mwana, akagbwirwa ni hiyu nyuni. Maana wakala na abaye. K: Nyuni yiye unaihiwa. Mem: Unaihiwa nyuni wa kachirwa. Chizache chinafanywa na chirenje chiphya chotsodzangbwe kuhenderwa kazi. K: Eee ambahco kachidzangbwe kuhenderwa kazi kabisa? Mem: Kachidzangbwe kuhenderwa kazi ta chihumbule kare chifanyirwe ro vuo. K: Chishungululwe kare, chilaviwe kare madzoyo. Lakini chikala chauma cho chirenje?",,1994/1/22 0:00:00
7123,"問答","ニューニの種類3","Mematanga(Murindadze)","Mematanga: Eee. Chizache chinahendwa chitswa cha chitanda. Chitswa cha uriri, yani. Chitswa cha chitanda phapha photsi. Chinaikpwa phapha na chinjine chinafanyika kuwala kuko nyumbani udze umogese phapha, halafu ukachike pho mvunguni. K: Mmmh. Mem: Eeeh. Na mwanakuku mwiru muche. K: Mmh. Waa. Ni mukali vivyo naye sambi. Mem: Ni mukali sana.",,1994/1/22 0:00:00
7124,"問答","ニューニの種類4","Mematanga(Murindadze)","Mematanga: Na nyuni wa chiriro. K: Nyuni wa chiriro? Mem: Kuchesa kurira yiye mwana hata kuche naye. Asinde kurira hata ritoke. Ni nyuni vivyo. Unaihiwa wa chikpwakpwara. K: Ehe. Naona mwanache dzuzi unarira vivyo, ta chikala ameye unenda, ko kpwehu lakini, unenda usiku kpwa aganga. Ee kurira sana. Mem: Munaihiwa wa chikpwakpwara, unalagulwa na kuku wa kundu. Na wa mweruphe. Ndo viryangonavye. K: Aa ndiyo maana sambi mwana nikukala unarira muno ta ni chikpwakpwara chenye. Mem: Ni chikpwakpwara chenye. Na undarira ta tsiku ya undafa, undakudza henda chema tu, undanyamala phanjine ta amale wiki unyemere, ta umanye mwanangu uphola, adze henda dzakpwamba udzuhuka. Ta achihenda phee, akatike kare moyo naye. K: Mmh. Mem: Ni wa chikpwakpwara.",,1994/1/22 0:00:00
7125,"問答","ニューニの種類5","Mematanga(Murindadze)","Mematanga: Na kuna nyuni wa ndani tele. K: Mmh. Mem: Uchimulola ye mwana ta wamba udzegbwa. Na mwiriwe u tele, ni muzima. Hata chamba unamugbwira vivi, unamanya, 'yuyu mwanangu aa ni mzima.' Maana una mwiri udzo ati. K: Mmh. Mem: Na ahuke kare phapha luhotsini tu, ye mwana. Wone uchimogesa madzi ganasagala. K: Huya wa kubofyeka luhotsi. Mem: Eeh. Unaihiwa mwaluhotsi. Kalagulwa yuyatu mpaka upate nyama wa pwani, k'ala. K: K'ala mwenye? Mem: K'ala wa pwani, upate uratu mukono, riratu gando. Na chitswa cha k'amba. Ndo chiryangonache. K: Na kuku, kaphana cha kuku pho? Mem: Kana kuku. Ye kukuwe undahendatiya tu wa chiphanga chiphanga, na katsinzwa. Ni wa kukokoterwa ye ameye tu, akale pho mudzini. K: Ooh. Ehe. Sambi na ura mugando nao ni kukala unakalangbwa?",,1994/1/22 0:00:00
7126,"問答","ニューニの呪薬1","Mematanga(Murindadze)","Mematanga: K'ala wa pwani, upate uratu mukono, riratu gando. Na chitswa cha k'amba. Ndo chiryangonache. K: Na kuku, kaphana cha kuku pho? Mem: Kana kuku. Ye kukuwe undahendatiya tu wa chiphanga chiphanga, na katsinzwa. Ni wa kukokoterwa ye ameye tu, akale pho mudzini. K: Ooh. Ehe. Sambi na ura mugando nao ni kukala unakalangbwa? Mematanga: Uratu mugando, unakalangbwa. Ala chikala kudzangbwe kukalanga, yani kuna ndonga. Yani yiyatu ndonga ya nyuni yina mugando wa k'ala, yina chitswa cha k'amba, yina goya ra phanga, yina chitswa cha phanga. K: Vyoo, yo ndonga ya nyuni. Mem: Ndonga ya nyuni yina jongolo ra pwani. K: Mmh. Mem: Ndo nawe udzikamilisha. K: Oo udzikamilisha kukala u muganga wa nyuni. Mem: Ukalange viratu vyosini utiye muratu ndongani. Utsakule na mihi ya konze. Ukalange ubunde mihi ya konze, kalagapala uvumba na chikuwe. K: Mmmh. Chikuwe ni muhi vivyo uo? Mem: Ee chikuwe ni muhi, na muyama. Yiyatu kayochwa, yihenda kunwa yo mihi, ukaanika, ukakalanga, ukayika ni ndonga ya... Mwana yunyakpwa, unakuta miziye.",,1994/1/22 0:00:00
7127,"問答","ニューニの呪薬2","Mematanga(Murindadze)","K: Ooh sambi yiyatu mizi ndiyo ambayo ni kukala unayitiya ndongani? Mem: Unaikuna hata kala ni tupa, hata kala ni kodza. K: Ooh unatiya. Mem: Eee. Lakini yindaihiwa ni ndonga yiyo. Undabunda. Maana unyakpwa unatsola unamnutsiza, unahechemula. Unatsanganya mavi ga nzovu, unatsanganya mavi ga punda, unatsanganya jongolo ra pwani, unatsanganya na mvuje, unavunza vunza unaika, unawala makala unatiya, unafinikira, chilaa hipho unafukiza.",,1994/1/22 0:00:00
7128,"問答","母乳をニューニから守る0","Mematanga(Murindadze)","Katana: Haya sambi dza yuno muchetungbwa wa dzana, wakudza phano na dziloni, wakala ni nyuni aina yani? Mematanga: Wakala ni nyuni yiye wa kusaga chigulu na mukono. K: Mmh. Sambi dzana ariphokudza chitu cha kpwanza muchimuhendadze? Mem: Hata kahumuhendere utu kpwanza. Hwamuhuriza tu kumuvunzira mavuo, na kumwika dzalani, kumogesa ye ameye na kumogesa ye mwenye, ye mwana, akalale, be adze rero. K: Oo akalale be adze rero. Mem: be hudze huhende yo kazi. Maana yiyi rero hudzikala hunahenza kuku mweruphe, huwale kombe mbiri upande uno na mbiri upande uno. Na nyoga mbiri kuno, nyoga mbiri kuno, hulinge ngata humufunge ameye, humufunge ye mwana. K: Ooh. Mem: Akatsakule kuku. Maana o kuku wamba dzana tsi akpwe. Akatsakule kuku ta chikala udzapata aarehe. Na vidzunga vichache. Maana yuyatu unaihiwa ni nyuni wa mwahanga. K: Oo ni nyuni wa mwahanga yuya. Mem: Adze afanyirwe kauringo, katsuluni, ashonerwe pingu za udi wa muyu uphuphu.",,1994/1/22 0:00:00
7129,"問答","母乳をニューニから守る1","Mematanga(Murindadze)","Katana: Ehe. Sambi pingu yo ndiyo ambayo chidzako nikukala unavala phano ye muchetu, phano nondoni hebu? Mematanga: Yiyatu ni kuhenza mwenye. Ni murinzi uratu, na uratu murinzi uratu kutiya..ni mutu wa wivu. Yaani muchetu atsitsumwe. K: Vyoo. Mem: Uratu mrinzi uchihenda ukocheza tu, unafa phaho. K: Ye mwana? Mem: Ye mwana. K: Sambi ura murinzi ni kukala unahewa ni mutu wa.. Mem: Ni mutu wa wivu ndiye auhendaye, alakini uratu mrinzi unasaidia kpwima maziyani pha mwana. Yaani madzinyama garatu gakale kagaima. K: Oo kagagbwira maziya? Mem: Ee yaani yuyatu mwana achamwa kukot'orerwa matso ni garatu madzinyama. K: Ooh sambi ni wa nyuni vivyo uratu murinzi? Mem: Uratu murinzi ni wa nyuni, la uhendwa ni mutu wa wivu. K: Vyoo. Kpwa kenzi muchewe atsumwe. Maana achigahenda tu bahi.. Mem: Wala ye muganga akuhege makusudi(kasidi), akulole una phi we? K: Ee unaidima akakuhega.",,1994/1/22 0:00:00
7130,"問答","母乳をニューニから守る2","Mematanga(Murindadze)","Mematanga: Mba. Alakini dza amanyaye uratu murinzi be kauna. Maana unatiywa unafungirwa we we unalagula mwana, au unalagula muchetu? K: Unalagula mwana. Mem: Yuyatu muchetu unamutsodza tu phapha, mukungo(=mukunguruza) wa tsoga phapha. Unatsola uratu muhaso, unamuphaka, ndo murinzi uratu. K: Eee pho nondoni? Mem: Eee phapha. K: Ni jeri. Nimanya kona achetu anjine atsodzwa jeri vivyo phapha. Mikunguruza namba ni miiri. Mem: Eee ndo murinzi uratu. Unawala mwana unamufunga vinyundo(=pande) viiri chiguluni. Vinyundo viiri mukononi. Viratu ni kuhenza. K: Ee vinyundo vya? Mem: Vya uratu muhi. Muhi ni vumo na mryakpwembe. Viratu ni kuhenza. Ala unawala yuyatu mwana unamtsodza tsoga mbiri phapha, unamsaka muhaso phapha, na phapha, unamusaka muhaso phapha. Yuyatu nyuni wa phapha chiguluni yunauka na phapha yunauka. Kura kusira chigulu na mukono unaricha, unamtsodza tsoga mbiri phapha, unamufanyira vuo, unaoga, unamupha mihaso unenda jita, unanwa, ni bahi. Udzimufungira wazi. K: Mmmh.",,1994/1/22 0:00:00
7131,"問答","母乳をニューニから守る3","Mematanga(Murindadze)","Mematanga: Unawala yuyatu kuku, unamutsinza, unawala uratu uhumbo, unenda wika dzuludzulu ya kauringo. Unagbwira yuyatu kuku na kumuzunguluka na mwanawe, unapotosa yuyatu kuku. Yuyatu kuku ndiye ndakudza gbwirwa ni phanga. K: Waa. Mem: Yuya mwana ni basi. Na uchimulola kana ta pingu. K: Haya kona. Kumba be.. Mem: Mm ninaurusa ta ana a majeso. K: Uwe! Mem: Eee na uchimulola ni mwana, hata ni mwana. Na andagbwavukirwa ni chitu ta umanye yu wa nanii ni jesu yuno. K: Eeh. Mem: Ala aahk. Chidzako ameye na abaye ananyala. Maana phana muchetu phapho waolaga airi. Phapho phehu kpwa ye nyuni yiye. Anyakpwe mwana, ende kanisani, avoye, avoye, hata ashindwe, afe azikpwe, avyale. K: Mm hu. Mem: Anyakpwe avoyee hata ashindwe, azikpwe. Achimanya aa'Mino jeso naihenza na sambi gano gadzima gandanimarira atu gano.' Achidza achikala yuna tumbo yuyatu muchetu.. Nichidza mufanyira mihi yangu, nichimwamba, 'Wakati wa unalala, wala yiyi mihi unyahe uchiipaka kpwako nyumbani. Uvale nguwozo udzifinikire, udzifukize, upande chitandani ulale. Mpaka mara saba.'",,1994/1/22 0:00:00
7132,"問答","母乳をニューニから守る4","Mematanga(Murindadze)","(Mematanga continues) Mematanga: Haya achihenda vivyo. 'Na tsiku yondokala udzivyala, ye mwana naatsanze maziyago. Adze anze muhi wangu.' Aa unavyalwa, nichidza tuwiwa, nichenda ta phapho na mihi yangu, nichenda mufanyira kare phapho, ni mutsanga mo nyumbani, nichimutsodza kare phapha, nichimuphaka muhaso phapha, nichimutsodza phapha, nichimutsodza phapha.. K: Mmh. chifumba cha gulu, chifumba cha ganja na lulimini. Mem: Ee na lulimini na phano dzitsoni. K: Mmh. Mem: Ee achichita ganja. Achanza kunwa ndo achigbwira ni ameye. Nichimupha mihaso, 'chikala ni usiku unanza kulala, wala uu muhaso ukafanye pho muyangoni ulale.' K: Mmh. Mem: Haya vivi nakudza hewa 'asante' yangu shilingi mia nne nambwa niwale. K: Haya kona. Na wakala ni mujeso? Mem: Eee ni mujeso ta rero. (pause)",,1994/1/22 0:00:00
7133,"問答","母乳をニューニから守る5","Mematanga(Murindadze)","Mematanga: Achidza, nichidza mumitira nyungu ko kpwangu ya kudzifukiza na uratu muhaso wa kpwenda achidzifukiza. Vivi dzuzi wavyala, achihenda mulagiza tu ye mulume, 'ende ta undakpwenda ona mwanangu, ye muvulana ariye unasoma,' ukamwambe 'nitsuphira ura utu wa yuya mayo,' Undakupha wende ukafanyire mambo go. K: Mmmh. Mem: Ee vino be yunani? Mwanawe ta unasagala vivi. K: Mm kana neno. Mem: Kana ta pingu. Na uchimulola ni mwana. K: Sambi phara dzana mba naona ariphokala ukudza yuya muchetu nakala nichisikira dzakpwamba ni unazunguluka nzingo dzadze? Mem: Rinavugbwa ro vuo ravugbwa phapha, rikaikpwe dzalani, aoge dzulu ya dzala. K: Oo rinavugbwa hiphano muhalani. Halafu rinenda ikpwa hiphara.. Mem: Dzalani. Na achoga achimala, achire na nzingo, viratu vyodzoga atsimone yuyatu mwana. K: OO ye mwana... Mem: Ta ye mwana naye akaogeswe ndo adze ahewe ameye. K: Ooh ni achire na nzingo, atsimone ye mwana. Achoga riratu vuo. Ehe. Mem: Hata viratu vya ye mwana yunauruswa. Undakpwenda ogeswa pharatu karingoni. Ye muchetu akafitswe.",,1994/1/22 0:00:00
7134,"問答","母乳をニューニから守る6","Mematanga(Murindadze)","Katana: Mm akafitswe ye muchetu? Mematanga: Undanza koga ye muchetu, chidzako ende akafitswe. Wala afungbwe chidemu chiru cha matso. Chidzako awalwe mwana naye akaogeswe. Ta achidza mukuta ye mwana yuna pingu na muchetu yuna pingu. Wala akale kandatiya pingu. Mundamutsodza, adze akute mwanawe utsodzwa na akale kamona vyo arivyo yunatsodzwa. K: Mmh. Kumba be.. Mem: Uganga ni kazi.",,1994/1/22 0:00:00
7135,"問答","ニューニの治療術を手に入れた経緯1","Mematanga(Murindadze)","Katana: Eee ni jeri. Hata gano ga nyuni kale mwafundishwa ni yiye ama? Mwaonyeswa onyeswa ni yiye wawe? Mematanga: Mimi naonyeswa ni aganga, maana mimi nateseka. Navyala mimi. K: Mmh. Mem: Ta mimi saa yiyi phondosagala ngari ni katikati. Ala achisira anangu. Na yuyu nyuni. K: Mm ni ye nyuni. Asenani. Mem: Mimi kuzimu na nzigamba anne na magoma matsano. K: Mm, kumba mudzihendwa kazi komu mayo. Mem: Vino ni anne tu. Matanga, na ye Chidzao na yuyu Nadzuwa na Nata. K: Vyoo poreni, poreni. Mem: Nakpwenda pungbwa mimi hata Chonyi. Nichipungbwa mimi, hata Kauma. Nichuruswa mimi kpwa mwanangu ni mukongo. Hata ni dzulu ya muhi. Kisha dzivikpwa kuni mimi. Dzifungbwa hiha ra kuni chitswani na muhaso. Ziagazwa(caus. of ku-agala) kuno hiha ra kuni, kuno hiha ra kuni, tsingoni, mongoni, na dzikpwezwa dzulu ya muyu na dzifungbwa chidemu cha matso. K: Aa udzifungbwa chidemu cha matso na.. Mem: Ee na dzulu. K: Dzulu ya muyu.",,1994/1/22 0:00:00
7136,"問答","ニューニの治療術を手に入れた経緯2","Mematanga(Murindadze)","Mematanga: Eee na phano photsi unaphendulwa, phano unauruswa. Katana: Mmh go ga nyuni. Mem: Go ga nyuni. Yiye dza kpwamba nichimulola vivi, gaga matso gafyuka. Kaga tototo, ta uchimona unaidima kpwamba una maphyolo, mavyalwa nago. Kavyarirwe na maphyolo. K: Mmh. Mem: Wanyakpwa mwezi umwenga na tsiku kumi na tsano. K: Aa aa aa, una hiye nyuni? Mem: Eee ta kusoha kpwenye ni gere gere tu phapha 'gro gro gro' Kamarigizika na kauya. K: Mm na kuhendadze kahendadze.. Mem: Be nauka mimi, nichiduguza kuku kpwehu, hata nichishindwa. Nichenda Raphai, nichishindwa. Nichenda Kauma, ndiko kpwenda phula mwana yiye. K: Kauma kpwenye? Mem: Kauma kpwenye. K: Kpwa vivyo atu a Kauma inaonyesa anavimanyirira sana. Mem: Anavimanya. Kuna wa Kauma uchigbwirwa ni wa Kauma kuphola kuku. Mpaka Kauma. K: Mmh. Mem: Na yendakuphoza wa Kauma mpaka Kauma.",,1994/1/22 0:00:00
7137,"問答","ニューニの治療術を手に入れた経緯3","Mematanga(Murindadze)","Katana: Ela kuno Duruma kpwedima kuphozwa. Mematanga: Mpaka mutu akale wakpwenda ugula kulaa ko Kauma, achidza nao. K: Aa aa kumba ni makomu gano mambo ga nyuni. Mem: Wee! Napungbwa mimi! K: Na achigbwirwa ni wa chiraphai? Mem: Kaphola kuku mpaka Raphai, wala ye mutu wala kuko achendagula Raphai. K: Ee akale unaumanya wa Raphai. Wee! Kumba be nyuni yuna shida jeri. Mem: Maana Raphai unazagazwa ukahenda pungbwa, na ni nyuni. K: Mmh. Mem: Ukahenda pungbwa. Hata ukahenda agbwa ukasindikpwa. Be napungbwa mara ya kpwanza, tsimanya kupigirwa ngoma mimi, ta nakpwenda pungbwa Rabai. Nichishinda, achifa mwana yiye, musichana, ta wafa ko Raphai. K: Mmmh. Mem: Haya nichuya, nichidza vyala munjine, musichana, nichenda pungbwa ko Raphai, achifa. Nichuya, nichidza vyala hiyu wa kunyakpwa, mwezi umwenga na tsiku kumi na tsano. Be hangu namuhewa, hata 'Asena, kamunipa be ye mwanangu, ta chikala udzefa be nikakala mwenye nikamanya wahi. Tsihewa.' Aa hangu tsirira ta nichirira. Naye achibanangika matso.",,1994/1/22 0:00:00
7138,"問答","ニューニの治療術を手に入れた経緯4","Mematanga(Murindadze)","Katana: Achibanangika matso, lakini kuphola achiphola? Mematanga: Achiphola mba, ta hiye wapiga mutihani dzuzi. K: Aa ni bahati jeri. Mem: Maziya genye ni uhende kama vivi 'phyoo' mo mulomoni. Maana ye wahanula pho hangu phapho haya viratu vya unasoha yo 'gro gro' ndo maziya ganenda. Nahenda mwiya sipitali, nichilaa naye na usiku, nichichimbira. Amba mwanangu kaphola. Na tsihewa. Aa nichimwiya nichichimbira. Ala nashukuru mba hiye. Maanaye nakpwenda pungbwa Kauma. Nambwa 'vina!' Namba 'asena mba p'ep'o tsina.' K: Ndavinadze mino! Mem: Nambwa 'Aa vina, vina, vina. Mwanao aphole.' K: Ta udzifinikirwa nguo yani? Mem: Nyeruphe. Na phano dzizongbwa pingu phano. Haya. K: Dza wamba ni chisingu? Mem: Eeeh. Ufinikirwe yo nguo halafu utiywe pingu ya phapha. Nazo ta ziko mudzini. K: Vyoo pingu zizo. Mem: Nafanyirwa hangu phapho, sambi chikala na tumbo navala. Chikala dzivyala navala. Kala dzirichisa, navula, naika. K: Mm, lakini uchikala una tumbo. Mem: Navala.",,1994/1/22 0:00:00
7139,"問答","ニューニの治療術を手に入れた経緯5","Mematanga(Murindadze)","Katana: Unavala. Kpwa vivyo ni wafanyirwa kulaa hangu na phapho sambi chikala zinakusaidia sambi. Mematanga: Chikala ndizo zo rizo zinarererwa yuyu Nadzuwa. K: Ooh. Kumba! Ehe. Mem: Haya sambi nichivina. Dzunurirwa mazuka, gadzumbwa kuno dzigbwizwa kuku. Na ni matso mafu vivi. Be nakpwenda vivi ta pho pangani, phahegbwa. Kumba phahegbwa muhaso viratu, kukala p'ep'o adze agbwe phapho. Ta nafika dza phapha pangani, ni dza pharatu mpayuni, be ye p'ep'o walokera phapha, ta nafika phapho, nichigbwa, nichikokomolwa, ndo yuyu mwanangu, yuyu wa chilume. Maana mino nakala mino nichambwa 'yuyu yuvyala,' unarema. O mwiri wangu u tele kamare. K: Mm, chikala udzivyala? Mem: Ee. Na tsina chakurya ta nichilala nirya ye mwana! Nichilala vivi, ta tsimanya nina mwana. Kpwanza ye mwana ni mukongo. Na aa! K: Hata o mwiri be ukakala unanyinyiha. Be ni ye mwana! Mem: Ni ye mwana! Ye mwanangu ni mukongo vivi! Mino namba, 'naafe dzitsoka, be ni kuphauka mino.' Mba ta tsishononeka haya!! K: Asenani! Mem: Mm mwanangu ni mukongo vivi, ta tsishononeka. Ni nyuni yiye. Ni nyuni yiye. Ndo nakpwenda nyalwa na kauno haya(this sentence not clearly heard)...",,1994/1/22 0:00:00
7140,"問答","ニューニの治療術を手に入れた経緯6","Mematanga(Murindadze)","Katana: Mm sambi kuno achikala kamanywa kuno? Mematanga: Achikala kamanywa kuku, ndo achenda gulwa ni baba, kuhenda kokomolwa, ndo achigulwa. Be ni ye baba be wafa, ta vivi ni nuye Kauma nende nikamonyeswe. K: Ukamonyeswe yiye? Mem: Mmh. Maana kumdigirisa na mihi naidima. Ala tsidima kumphendula. Tsonyeserwe ya kumphendula. K: Ooh. Ano nyuni karache chikala mutu unalagulwa ni kukala unahenda phendulwa? Mem: Mm unahenda phendulwa. K: Ooh. Nakala nafikiria phanjine uphendulwao ni utsai tu. Mem: Nyuni, nyama,.. Yaani undahegerwa mihambo phapha ya mihaso viratu, haya uchatuke yiyo.. K: Vyoo dza viratu mutu ambavyo unaphendulwa utsai. Mem: Unahegerwa phapha na phapha yundaandikpwa ye nyuni phapha, na makpwaphage na maguluge, ta usagarire yuyu. K: Vyoo. Mem: Viratu urivyo unazunguluka. K: Uwe muchetu yaani chikala unaphendulwa? Mem: Wala ye mwana alazwe phapha.",,1994/1/22 0:00:00
7141,"問答","ニューニの治療術を手に入れた経緯7","Mematanga(Murindadze)","Katana: Ee achorwe ye nyuni mwenye? Mematanga: Eeeh. Na makpwaphage na phano achorwe zuka, phano achorwe tsovya, alazwe phapho. Sambi aphendule mganga na kuvunga phosi tse! Chidzako muchetu achatuke yiyi mihambo. Haya dzako uvungbwe vuo, haya ukaoge vuo, utiywe pingu. Akale kaidima kumunukira(kugbwira) yuyatu maana aratu nyuni kaana mwana. Ana yuyu muchetu.(Nyuni do not live in the body of the child, but in the body of the mother) K: Mmh. Mem: Kaana mwana. K: Ala ana yuyu muchetu? Mem: Mmh. K: Ooh. Sambi ahenda laa kuku kpwa yuyu muchetu akagbwirwa kare ye mwana. Mem: Akagbwira ye mwana. Agbwira yuyu mwana, kaagbwira yuyu muchetu. La tsikpwamba nyuni be unasagala muratu mwirini mwa mwana, Ha a. K: Kasagala mwirini mwa mwana. Usagala mwirini mwa muchetu.",,1994/1/22 0:00:00
7142,"問答","ニョンゴーのニューニ1","Mematanga(Murindadze)","Katana: M hu! Ndani yindakala yinaka moho, na maziya nago gana.. Mematanga: Ganawawa. K: Ee ganawawa maziya ndani yinaka moho. Mem: Ee sambi achidzikuna vivi, ganalaa. K: Waa! Mem: Be nawe uwe uchidza ona muchetu yu vivyo. K: Maana mimi nina mvaha wangu kare, yuyatu mkaza mwanangbwa wa mayo kare. Wanza vivyo. Mwezi wakala ni wa nane. Sambi achanza kulaa maziya na una tumbo. Achanza kulaa maziya. Mem: Ye mwenye la ni muzima. K: Tsi muzima. Ni mukongo. Maana wafa mundani. Achimala tsiku ngaphi, wiki nzima na u mumo ndani, ye mwana. Tsiku saba, yu mo ndani yudzefa. Haya be dugu na ko sipitali. Yiye. Kpwani vyo ni bahati la ngari waolaga ta ameye. Mem: Uchona uwe muchetu maziya ganalaa phapho uwe ta avyalwe ta ye mwana aenende hata umuhume. Ee. Be ni udine sana. K: Be achifererwa ni hiye sambi be ta.. Mem: Maana kosha kufa mo ndani ye mwana, ta aavyalwa kanda kala. Ala uchikala udzidina ta garatu maziya udzigafunga, hata ye mwana uvyalwa udzona maziya udzigafunga, udzimwidima naye.",,1994/1/22 0:00:00
7143,"問答","ニョンゴーのニューニ2","Mematanga(Murindadze)","Katana: Udzimwidima. Mematanga: Eeh. K: Kpwa hivyo yuyatu wa kulaa maziya naye ni nyuni vivyo? Mem: Ni nyuni. Yuyatu ni nyuni. Nyuni wa nyongoo. K: Ni nyuni wa nyongoo yuyatu!",,1994/1/22 0:00:00
7144,"問答","ニョンゴーのニューニ3","Mematanga(Murindadze)","Katana: Kpwa hivyo yuyatu wa kulaa maziya naye ni nyuni vivyo? Mematanga: Ni nyuni. Yuyatu ni nyuni. Nyuni wa nyongoo. K: Ni nyuni wa nyongoo yuyatu! Mem: Ee ya beshe. Nyongoo mkuta bahari. Yiya uhendalogbwa. K: Vyoo yiya uhendalogbwa vyo? Ala! Ni ya chitsai? Mem: Ni ya chitsai yiyatu. Kayiphendulwa mpaka madzi ga pwani. K: Kayiphendulwa mpaka madzi ga pwani. Mem: Maana gaga madzi ndo udzigaika ni bahari ganamwagika tu. Gara madzi ga baharini samba ni kudza chidzako yiya misindika yinauya na madzi. K: Eee ni vivyo vyenye. Kayuya yinabaki.. Mem: Samba misindika yindabaki? K: Eee madzi go ganenda. Mem: Yichibaki yindahendadze, samba yindauma? K: Mmh. Mem: Ndo yuyatu mwana muratu ndani! K: Ooh ukala dza msindika. Mem: Eeeh. Yiya uhendalogbwa yiya.",,1994/1/22 0:00:00