6997,"問答","ニューニの種類1","Hamadi_Mbega","R: Na ano nyuni a mara nyinji? Hm: Nyuni a mara nyinji na ni mpaka ukale wauza kpweli unaamanya. Kuna muganga ukamuza akakuguzira nyagu na tsovya. Nyuni airi bahi ao. Ni kukala kakumaririre nyuni yiye. Nyuni a mara nyinji. Kuna nyagu, kuna tsovya, kuna dzuni. Yuyu dzuni ndiye mubomu wa aa. Na kuna chipindi chinjine ambacho aganga a phapha kaachimanya. Nyuni yiye kaamumanya. R: Ni yiphiye ye? Hm: Ni chipindiche mbali nindakpwambira. Nyagu, dzuni, tsovya, chilui, mwee, madimba, mwasaga asagaye chigulu na mukono. Nyaura, zuka bomu ra nyika, zuka bomu ra pwani, zuka bomu ra muyuni. Unanipata pho? R: Ninakupata. Hm: A mara tahu phapho. Ye zuka bomu yiye u mara tahu. R: Zuka bomu ra? Hm: Zuka bomu ra pwani, zuka bomu ra nyika, na zuka bomu ra muyuni na zuka bomu ra pangani. Ni mara nne. Udzinipata? R: Ee.",,1994/1/7 0:00:00
6998,"問答","ニューニの種類2","Hamadi_Mbega","Ruwa: Na amba wakati unjine ni kona phadzikpwa vigongo muyuni sambi ni kukala? Hm: Ima phapho, ima phapho. Nikakpwamba ima phapho. Kuna kukala mukongo wapiga mburuga, achambwa muganga yendakuvunga, naakakuvunge muyuni, ende akakukotere karingo ka vigongo vya mukone viphuphu. Uvungbwe dzulu ya ko karingo, halafu ufungbwe ndani ya ko karingo. Na ye mwana adze avungbwe aina yiyo. Hiphara mino ni phapho vivyo pia. Wariwe wa kumuvunga viratu. Wariwe unahendwa ni muchetu dza yuyatu ambaye wasika kuvyala kuratu mudzini. Naudziphatsinza kuku, ye mwana udzimuvunga phapha, na ye kuku kare udzimutsinza. R: Ni kuku atekpwaye? Hm: Ni kuku wa kundu mulume, wala wa mutsanga wa pwani(sand colour), wala wa miri miri, kulengana na mburuga yirivyo amba. Udzinipata? R: Ye ndiye zuka bomu wa muyuni? Hm: Unaihiwa zuka bomu wa muyuni sambi huya. Hata ro zuka bomu, wakati uo, uchitsakula kumala garatu maneno, wakati wa kukala dza unamupunga, ni mpaka urumbe riratu. Maana phara ni kuvungani, tsi kupungani. Kpwidima kurumba pharatu, alakini wakati wa kukala unamupunga, kpwa urituphe kuratu kpwa muchetu rikulae, eli ni nyama a aratu nyuni kpwaasindika ni mpaka rikaumbwe kutu kanda dza kuratu. Phano rinapigirwa kofi. Kura rinaumbwa. Phano ni kayamba rinapigbwa hata kala ni kayamba hata kala ni ngoma zinapigbwa.",,1994/1/7 0:00:00
6999,"問答","ニューニの種類3","Hamadi_Mbega","Ruwa: Kura kuumbani unenda na yuyatu muchetu au? Hamadi: Kuratu kuumbani, kunenda anamadzi na muganga mwenye. Unenda aonyesa kukala ruumbeni hivi maana rinaumbwa na chisiku cha mugomba. R: Chisiku cha mugomba. Hm: Ee chinatoswa chisiku dza vivi nao mutsanga wa tsuluni uvugbwa. Sambi rinabandikpwa mutsanga uu mugomba, halafu kuku rinatanyiswa magulu na nyayoze dza vivi. R: Uu mugomba sambi? Hm: Ee uratu udongo unatanyiswa magulu mairi na kuku phapha phanahendwa ulume na chendeze. Chikala ni iche, kpwanza ganaumbwa mairi, iche na lume. Rina uchewe na mulume una ulumewe. Sambi riri mwenga ra chilume rinadungbwa nyoga za kuku nyeruphe na risakpwa ivu. Na phano rina mukono dza vivi. Phapha phanaikpwa tumbi. Riri ra chiche, rinaumbwa ra chiche vivi, kuno ridzidziwika nyungu ya madzi. Udzinipata pho? Ni wakati wa kukala unamusindika hinyara nyama. Maana udzaambiwa viryangona hivi. Kuku wa dzuni hiyu ni mweruphe mulume. Wa nyagu ni wa chiphangaphanga, wa tsovya ni wa mutsanga wa pwani. Wa mirimiri ni wa chilui. Phana munjine phapho mwiru sambi. ",,1994/1/7 0:00:00
7000,"問答","ニューニの種類4","Hamadi_Mbega","Hamadi: Nikakpwamba nyuni a mara nyinji. Kuna nyuni mumwenga unaihiwa gojama. Na mudoe. Na nyongoro. Ruwa: Konyesa be ni anji sana. Hm: Sambi be phapha mtani nyama ao nyuni ao kaahumira kumuvunga. Ao anahumira kumupigira makayamba kumupha pore. Alakini ye ni nyuni wa kolaga mwana. Gojama muyawe ni mudoe. Yuyu gojama ni mugbwiri kare yuyu. Ala mudoe ye unahenza arye yuyatu mwana maana mudoe ye unahenza nyama. Mudoe kpwani kpwaasikira adoe we? Ruwa: Ninasikira mba. Hm: Yuyatu ni mutu wa kuhenza nyama. Hiyu gojama ni mugbwiri alakini mutsinzi ni mudoe. R: Halafu muryadzi? Hm: Muryadzi ni yuyu gojama na mudoe. Na huya nyongoro. Yuyu Nyongoro ni grupuye kare yiyatu. Sambi adzitanya kare ahenda matanyiko pharatu. Halafu muchetu, halafu unambwa una muduruma, una muduruma. Ndo unasikia wira wa muduruma unaambwa makayambani? Haya ao ye muduruma anzie ni ano. Kaamanywa phapha. Uchidzamona mwana uvyalwa na chifulo, na kuno uvyalwa na ye mwana u vivi kare, hakikisha kabisa yiye ni phakale phana muganga wa kumanya, alakini tsiku ya mwana hiye kudza kpwavukirwa(gbwavukirwa), ni phakale phana muganga wa kumanya.",,1994/1/7 0:00:00
7001,"問答","ニューニの種類5","Hamadi_Mbega","(Hamadi continues) Hamadi: Ala chikala kaphana muganga wa kumanya nyuni hiye, mwana undafa hata kala mutu kenzi phapho. Be muzima, kisha unamuricha vivi hata ahende mwiri. Sambi adze awale nyama tu na chiramuko ye. Tsona mba. Ni dziloni ni dziloni. Ni saa mwenga ya usiku kare. Time yoyosi yondapangirwa tu. Achigbwavukirwa tu, ni phakale phana muganga amanyaye. Chikala kaphana muganga amanyaye tu, mwana unafa muzima. R: Sambi unahenza phapatikane dza Hamadi afungirwe hiye sambi. Hm: Sambi pharatu unahenza apatikane dza Hamadi ambaye wamugula kpwa wamutesa tsiku nyinji, na achimugula, sambi mino namufungira mwana uchere hiphara. Ye muchetu achamba mwana yuyu wavyalwa na chifulo dzana. Ndzimanya pindi kaamwa ameye kpwanza mpaka yo mihaso anze yiyo. Maana nyuni hiye una magbwiri aina nyinji. Kpwanza una kadani tele mwana, na kuno kananguruma chochoro chochoro. Unasikira?",,1994/1/7 0:00:00
7002,"問答","ニューニの種類6","Hamadi_Mbega","Ruwa: Na hiko kafulo. Hamadi: Kara ni udzikonyesa tu ala kandayaya ee, kandayaya hata uwe utsimanye kahiri. Sambi undamona mwana u mwiri moho na kuno ukunza vino. Na kura maguluni nako uhenda vino. Uhende vino ngii, na u vivi kpwenda. Kafenula gano maganjage. Ufunula tsiku tu, punde udzuyira vivi kare. Halafu kuna yiyi mikono yikangota(ディ =ku-k'ota) ngoo na garatu magulu nago uchigakumba kulaa kuratu mavindini kpwenda kuratu, ngo ngo ngo yenye, hata wamba ni ulaa madzini ye mwana. Na yiyi mikono. Kuna wakati alokerwe ni ndiro, aongoze muchetu hata akole, achidigirika chidogo, chichi chitswa chinatumbuka atumbuke gii jasho, haa jasho rijere mwirini. R: Kpwa hivyo yiyo grupu ya nyuni ni kali sana. Hm: ziratu mvukuhi zichuka, haya ni chipindiche chiratu ye mwana unahurira chidogo. Alakini hakikisha achilokerwa ni ndiro mara tahu, hata mara ya nne, hata achidza achigbwavukirwa vyenye ni wa chigulu na mukono hii, udzidziluma. Hii mara ya kpwanza ni phakale phana ye muganga amumanyaye kare amutaphule. Achimutaphula mara ya kpwanza, akale unamanya. Achikala kamumanya mwana undauyirwa safari ya phiri. Be naphapatikane wa kumumanya, phatsipatikane wa kumumanya, hata auyirwe mara ya hahu, hata mara ya nne, mwana kana nguvu kahiri, hata achuyirwa undamona hata katororosa kahiri, hata undamona ni haa haa haa, hata umone rejee.",,1994/1/7 0:00:00
7003,"問答","ニューニの種類7","Hamadi_Mbega","(Hamadi continues) Hamadi: Be unakala sana unaidima kukala sana phapha hata uwe ukamanya usira yuyu. Halafu akauya hee. Undamona ng'aa chidogo, buu rejee! Sambi unasoha alakini ka chimwana. Unarya mutuwe kare be pharatu. Dina kare. Ee dina. Ala uchikala kumumanya, aa unafa mwana ta... Kpwanza achidza kona chipindi chichi utsuma kuchimanya, unamugaluzira chipindi cha mbavu. Ni yiye vivyo. Utsiangalizike. Ni yiye. Cha mbavu. Dza phapha phodzikudzira mimi na ulokerwa ni zo mbavu ye mwana. Na kakohozi hika. Kachoya charo chicho, hata uchidza mona uhurire naye manya u phephi na kuusira. R: Alakini ni phakale phana Mbuji(nickname of Hamadi) phephi. Hm: Ala Mbuji chikala kapho, mwana unajera na mapema kabisa. Chitu changu cho mwambira nduguyo nanio Guo, na achichizarau na achidzachona na mutsana wenye, hata mino ni minazini kuko, ni dzulu ya munazi, ela nasikira 'Maye mwanangu ee, maye mwanangu udzanzadze!' R: Eee yuyatu mwanawe yeefa. Hm: Ee gafula. Phapha ni mwana kugbwavukirwa ni nyuni. Nilaa minazini. 'Unani mwana?' 'Mwana ugbwavukirwa ni nyuni' 'Haya godza.' Na kuyipiga kare hata mwana kuuya muzima.",,1994/1/7 0:00:00
7004,"問答","ニューニの種類8","Hamadi_Mbega","Ruwa: Ari ni nyuni aphio? Hamadi: Ari atsanganyira phapho. Phari phana hinyo nikpwambirao, na hinyo abomu. Abomu ni ano nyodzokpwambira, dzuni, nyagu, tsovya, mwee, tunusi madimba, mwasaga, nyongoro. Aa nyongoro u mbali. Zuka bomu wa pwani, zuka bomu wa nyika, zuka bomu wa muyuni na zuka bomu wa pangani. R: Ao osi atsanganyirwe? Hm: Ni ukale unaamanya ao. Mutu naatsikulembe akakpwamba ninakuguzira nyuni, alakini unakuguzira dzuni hicheye. Aaa hata kpwidima kamare. Ye mwana achilokerwa ni utu uo ni ukale unavimanya. Ee ala unafanya kare vimihivyo vya dzuni, sambi mwana ugbwavukirwa ni nyagu, we unafanya mihi ya dzuni. Mwana ugbwavukirwa ni tsovya, mwana ugbwavukirwa ni chilui, we chilui kumumanya. R: Alakini dza uwe mwana chikala ugbwavukirwa kare dza viratu, uchidza mulola unamanya ni nyuni yiphiye yuyatu? Hm: Chikala yo kondo yifika phapho kare garogaroni, hee, nawala mihi kare ya ao nyodzokutarira. Nawala mihi kare ya gojama, mino nindauza 'Kpwani yuno mwana wakati wa kuvyalwa wavyalwa na salamu zani?' 'Aa kavyarirwe na chifulo hata gaga naswi hunagauhuka.' Nidzimanya kare yuno mwana una ao abomu sambi. Ninenda tsuma mihi ya ao abomu kare. Chikala vizidi ninamba hebu gbwirani kuku wa mweruphe wa chilume haraka, na wa kundu mulume na mwiru muche, na wa mirimiri na wa chiphanga phanga na wa mutsanga wa pwani. Hata chikala yo kazi kayindanza rero, hiye gojama unanza muhalani dza phapha. Uvungbwa muhalani dza phapha. Halafu umutanyise na ameye dza phapha.",,1994/1/7 0:00:00
7005,"問答","ニューニの種類9","Hamadi_Mbega","Ruwa: Ye mwana? Hamadi: Ee halafu undakpwenda dzalani ukavunge mwana hicheye, wende tsuluni, ukavunge mwana hicheye. Phapho kare. R: Madhumuni ga kpwenda phara dzalani ni kutsupha ye? Hm: Ni vituo vya aratu nyuni viratu. R: Ndimo akalamo? Dzalani, muyuni? Vyooo. Hm: Muyuni ndo muhi wao ubomu, muyuni. Ni mara ya mwisho pharatu. R: Kpwa hivyo chikala mwana ugbwavukirwa ni nyuni,(and got the treatment, after that) kpwidima kpwenda naye tsuluni ama dzalani. Unaidima kumutosa mara mwenga sana. Hm: Ee tsuluni achivungbwa phapho mchetu kafika naye phapho. Ni mpaka mwana akule vivyo. Na muyuni kafika naye hata achenda achikuta muyu na yo njira yina phapho, kaphachirira yuyatu muchetu, mpaka atsege tsege na kanda, nipata hipho. R: Ooh nidzelewa. Hm: Mino nyuni naagula kpwa tabu Mwanduguye. Naagula na mtumia wa chijiryama ariyelaa Malindi. Yiye mutumia yiye katika yuyatu Mwadzombo pharatu aripho, kadzangbwe afike phapho pha yiye mtumia yiye yemugurira nyo nyuni. Wa chijiryama. R: Uuh wapata uganga udzo.",,1994/1/7 0:00:00
7006,"問答","ニューニの種類10","Hamadi_Mbega","Hamadi: Hiyuno aa nyuni nyodzikutarira hinyano nyuni ahahu, gojama, mudoe, nyongoro, naagula na mulamu Yongo kpwa hata ninamala ana na nyuni hiye. Ndiye ariye niguzira hiye Dzila wangu ariye wangu ambaye unga uwe. Phapho phana Gube ye namulagula mwenye kpwa sambi yo ndonga nidziyigula. Phapho phana Mbega. Namulagula mwenye. Udzinipata? Ruwa: Aa nidzikupata tototo. Hm: Ee bwana. Katika muchetu huya mudide hipha, umala ana kare yuyatu. Lakini nikadza muwala mimi unavyala mwana huya ariye pata hatia dzuzi. R: Yuyu mwana ye aphya dzuzi? Hm: Ee mwana wahenda tabu Mwanduguye huya. Wakati wa kuvyalwa wewe una machezo we! Na phakala ni chilumeni hata aa aona. R: Phapha kare? Hm: Phapha uvyalwa. R: Kavyarirwe na hizo ishara zodzizigomba. Hm: Kumulola vyodzivyalwa, nichimanya ni nyo wira wangu wenye nivinao uno. Nichiugbwira kare. Sambi nilagule. Chilaa phapho mwana unabadilisha mambo manjine. Sambi kpwa hivira nina chipindi narichirwa ni baba. R: Mba mzee Mbega naye wakala ni muganga mubomu? Hm: Mulamulo. Tsi mburuga.",,1994/1/7 0:00:00
7007,"問答","ニューニの種類11","Hamadi_Mbega","R: Unapiga mulamulo phara? Hamadi: Ninapiga mulamulo kulola mwanangu unariwa nini yuno? Chipindi chochifanya dzana mpaka rero mwanangu uchere vivyo. Unariwa nini? Basi nichenda vivyo kulagula hinyara nyuni abomu, nichiasisa. Kulagula hinyano adide ahahu nichiasisa. Nidzapho kumba yuyu gojama na mudoe na nyongoro, kpwa hata sambi nidzitsoka nyo mulamulo wangu ninenda upiga pha musena pha Mwanza. Pha muvyere wangu Mwanza wa Guo. Heka nalagula mwenehu na mwana kaphola nini? R: Ara anjine adide abomu udzilagula osi. Gashinda. Hm: Na hata dzuzi wakudza phapha phako mwana uchidza fanya uchidza fanya mihiyo na hata mwana uchere vivyo nini? Wauya mulamuloni Mwanza, ndo achinamba, 'kudzangbwe kuchituwa chichi chipindi chiryacho mwana. Unachizarau, ala mwana unariwa ni gojama na mudoe na nyongoo. Nawe ni chipindi unachimanya ala sambi mbona unapharicha phano? Unalagula mambo manjine kpwadze?' Namwamba 'ni basi. Funga mburuga.' Naanza kare mihaso ko tsini, hata ninadza loka pho nyumbani ni tayari kare. R: Hata una more more. Hm: Ee. Nichimuhindiza jeri nami, hata nichimufanyira pingu ya mudoe, hata rero unakula nayo yuyatu mwana niriye naye ya dzino ra diya.",,1994/1/7 0:00:00
7008,"問答","ニューニの種類12","Hamadi_Mbega","Ruwa: Ooh ni viryangona vya ano nyuni ano? Hamadi: Pingu yangu yina dzino ra diya. Nichimuvunga gojama, nichimuvunga gojama na mudoe. Yiyo pingu yiyo na nyongoro. Yina dzino ra diya. Unanipatapho? Kpwanza una goya ra nyama wa weruni phanga. Phanga renye riri riburukaro rikagbwira kuku. Upate goyare hirira ndiro ambaro rinakala upande wa pingu yendayo kpwa muchetu ya kurinda mwana maziyani hiphano. Yina murinzi. Yina mapande mairi marefu phapha. Na phana pingu katikati na yina mapande kanda na kanda. Hikuno, upande hinyuno wa mukono kushoto kuna mapande mahahu na hiku kuna mapande mahahu kpwa mapande sita. Chikala yuyu mwana ni wa chilume, kuku kuna mapande mahahu na kuku kuna mapande mahahu. Chikala mwana ni wa chiche, kuku kuna manne na kuku kuna manne pingu. Pingu yi katikati higano mapande ga hipha. Ndigo godzirarira hipha. Udzinipata?(explanation of murinzi) R: Nidzikupata. Wakala udzimufungira sambi mwana. Hm: Nidzivunga phapho, hata nidzimala hata phapho ni mwisho. Ninalavya murinzi wa kurinda mwana. Maana ni murinzi yiye. R: Kpwa hivyo phapho maziyani napho ni murinzi wa maziya. Hm: Ee ni murinzi wa maziya uo.",,1994/1/7 0:00:00
7009,"問答","ニューニの種類13","Hamadi_Mbega","Ruwa: Kpwa sababu hata aratu nyuni anaidima hata kubananga garatu maziya. Hamadi: Ee kubananga garatu maziya kugahenda madzi. Ee halafu mwana achamwa unafyoka. Wala unaphaphika wala halafu ganamukohoza. Haya chipindi chicho mzee. R: Ee mba achetu anjine unaidima kpwaona maziya ganalaa na ga madzi. Akamba ninenda kpwa muganga gende gakafungirwe. Hm: Phapho ni chipindi cha kukala uvyala dza viratu wahi na kuna chipindi cha hivino. Cha muchetu una tumbo, na maziya ganalaa. Una tumbo kadzangbwe kuvyala na maziya ganalaa genye! Hata ni jurujuru tu. R: Ha ni kukala nini nago? Hm: Kagalaa bule. Ganalaviwa ni aratu nyuni. Ee chipindi chiratu uwe muganga ukale unachimanya. R: Vyoo. Kpwa hivyo yuyu muchetu unao nyuni kare? Hm: Eee yi phapho ndonga ya kukala udze umuzagaze tu umutsodze, umuphake ndonga yiyo mo nondoni. Ganayaya go maziya tsee, hata avyale maziya kana, ndo halafu gahende kuudza garatu maziya. R: Aa namumvera muno.",,1994/1/7 0:00:00
7010,"問答","ニューニと性行動1","Hamadi_Mbega","Hamadi: ...muganga ulaa phano muhalani, unenda dzalani, haya achilaa phapho unenda tsuluni. Sambi ni vituo vingaphi? Ni vihahu. Cha nne ni cha muyuni. Ruwa: Dzalani, tsuluni, na hiko muyuni. Hm: Ee ni cha mwisho chiratu. Sambi chikala ni kuku unenda atsinza pharatu kare tu. Maana nindaawala viryangona aratu vikale pingu ya kpwenda kpwa mwana na kpwa memutu. Dzaamala jeri, hata nichimutiya pingu phapho. (if her illegal lovers)aakalembe ye muchetu, amwambe 'Aa nyuni ninaamanya. Zizi pingu ninazifitsa, nipa uno utu(let's make love)' Wee! R: Agbwavukirwe mwana. Hm: Wee unalokerwa ni tapikpwa pho fukoni kare. Unalokerwa ni tapikpwa phapho, na chigulu na mukono phapho kare. Amba 'Udzamba unamumanya. Ha, ulokerwa phapho, ha fanya.' Muchetu unakpwamba mba. Higa kudzamba wee. Ndo unambwa be vivi kachoya mino ninakugodzera phapha, mwanangu undafa undatiya, ala vivi ni wuke uwe hata ukaonane na afuani, hata umurehe phapha. Ukaonanne na Mbuji, hata umurehe phapha. Achidza fika kpwangu naye ni anigule ghali. Ee we unaolaga mwanangbwa. Mino mwana namulagula. Sambi we unaolaga mwanangbwa kpwa chidudecho kuzuka muno tu. Na muche tsi wako. Chipindi changu mino ni hicho. Mulingotyo(penis) unazuka muno. Sambi unakutiya hasara mulingotyo. Unaolaga mwanangbwa na kazi kuyimanya. Be.",,1994/1/7 0:00:00
7011,"問答","ニューニと性行動2","Hamadi_Mbega","Ruwa: Ni sawa. Uchikala muchetu unamuhenza alakini wavungbwa nyuni je? Hamadi: Chikala una muchetu unamuhenza na wavungbwa nyuni? Unadza kpwako yuyu muchetu, achimanya mimi nina mutu wangu huya nindakpwenda kala naye, unadza kuvoya ruhusa yuyatu undamufanyira kavuo. R: Udzamba ni mpaka ukale yiyatu mihi yosi unayimanya mba. Hm: Ni ukale yiyatu mihi yosi ukale unayimanya. Uyitsume yosi ukale nayo mukononi. Yuyu muchetu muchiphenya pharatu phenu chikaloni, mukale muna kabebe mukavuge na yiyatu mihi. R: Kaphana viryangona vinjine? Hm: Kaphana viryangona ni yiyatu mihi mukale munayimanya tu. Sambi pharatu ziratu pingu za mwana, zuvulwe zitiywe pharatu kavuoni, mufanye shida yenu phapha, hata muchilaa phapho, ha zizi pingu ziwalwe mumu vuoni, zivikpwe yuyatu mwana. Alakini ye muchetu unakala naye na yuyatu muchetu pingu unazo, aa kausira yiyi raha kayisira yiyi(you cannot finish your sex). R: Udzikocheza muzuka(idiom; uganga ukoseka). Unagbwavukirwa kare ye mwana phapho.",,1994/1/7 0:00:00
7012,"問答","ニューニと性行動3","Hamadi_Mbega","Hamadi: Phapho kare unagbwavukirwa kare kpwanza undamona kare tu, tetetete, chigulu na mukono undaona kare ndii. Kpwanza undamona unakpwamba tsomola kare maana gaga ni manjine gaga. Yitsomole ni manjine gaga. Amba udzamba unamanya we heka ganakala gano na udzamba unamanya. Ruwa: Kpwahivyo unaidima kolaga mwana haraka.",,1994/1/7 0:00:00