Chari wa Malau(tr03-06.txt) Jan.5, 2004
[1] Hamamoto(Hm): Dzikala nahenza nikuuze mbariyo ya kuche mino. Chari: Mbari yangu ya kuche? Hm: Ee. C: Mbari yangu ya kuche ni Mwagoro mino. Kulume ni Mwanyota, ela kuche kpwa mayo ni Mwagoro. Hm: Na uganga unatuwa kuche? C: Ee uganga utuwa kuche. Hm: Waanza chidzedze, nyo uganga wa kpwenu? C: Waanza tsawe. Tsawe muvyala mayo. Ndiye kala muganga wa kuvoyera. Maana ye wakala vititivye vyakala ni viiri. Hm: Ndiye ani ye? C: Ndiye Dele. Hm: Aha tsawe Dele. C: Ee ndiye Dele. Hm: Samba hwamona somoye ko Samburu Chanzou? C: Ee. Somoye ni adzukulue be. Murina: Ni mudzukulu yuyatu. C: Haya ndiye anza uganga. Sambi osi o adzukulungbwa a tsawe ni aganga osi. Haya sambi ano Muchenzala. Hm: Muvyereo naye ni muganga? C: Mm! Waanza ye muvyere wangu. Achaayuka. Hm: Ye Kabendera? C: Kabendera. Sambi yunalaa Kabendera achayuka munjine, Mbeyu. Hm: Mbeyu. Ni muvyereo vivyo? C: Ni mwana wa muvyere wangu sambi. Hm: Ni mwana wa ye Kabendera? C: Mwana wa Medza. Mimi yunaniha chaneye. Haya ndo chayuka Banju, mwana wa muvyere wangu kahiri. Ndiye nilavya nze mimi. Yiye walaviwa nze ni Kabendera, naye achinilavya nze mimi. Hm: Ameye Banju ni Mwaka, ni muvyerewo vivyo? C: Eeh. Hm: Mmn munatuizana kpweli.
[2] C: Ee unatuwa kuche tu. haya achiloka munjine kahiri, nichikala dzikudza mulavyanze kahiri phapha, zo ndonga hata achiziricha phapha. Kana uganga. Hata zo ndonga zi mumu, hata zauma. Mwana wa muvyere wangu. Hm: Ndiye ani? C: Ndiye Jumwa. Kuko nyika kuna muvyere wnagu ndiye Nyamvula. Yuna mwanawe naye ndiye Egga. Ni muganga. Yunapiga mburuga, yunazuza. Na mwanawe munjine naye achilaviwa nze, achikala ni muganga. Vino waphenya Jeso. Aa hosi hu aganga. Hm: Ni anji. C: Hu anji kabisa kabisa. Hm: Sere Muchenzala na Tabu. C: Sere Muchenzala. Hm: Mmh? C: Muchenzala yudzaayuka kare mapema. Kpwanza o akpwe a wazi na achiloha chitu chinakala chicho kpweli. Hata kakala be yuna chitu cha kukala alaviwe nze, angeri kukala muganga sana. Lakini hata vino sambi ahehera(avevera[sic]). Ahurira ela akala kaenzi kuhurira kamare. Hm: Vino wahurizwa nini? C: Ta tsimanya.
[3] Hm: Haya na chila mumwenga yuna nyama mumwenga sawa? C: Mm. Nyama ni ao amwenga. Sawasawa tu. Ela hosini hu aganga. Uganga wehu ni ubomu, be nahenda shindwa tu ni atu. Maana mimi be kakala o uganga wangu ni uganga tu wakuhenda ambwa nikale muganga, kpwanza ngeri waolagbwa pindi. Lakini vino nashukuru. Uganga wangu udzanza pindi baye. Maana unadza nona mino nakala dzaanza pindi vivyo. Maana mino nalaviwa nze Mariakani. Naanza kulaviwa nze ni Banju, ye mwana wa muvyere wangu. Haya ndo nichifanya kazi miezi sita, nichiuyirwa ni ukongo. Sambi achikala ni hiyu Muduruma na Mwalimu Dunia. Be nichikala mukongo muno. Haya ndo nichilaviwa ni Fupi sambi. Maana yuno mwana wa muvyere wangu wakala kamanya Mwalimu Dunia. Haya nichilaviwa ni Fupi. Nalaviwa ni Fupi, ndo hutsame hudze hiku. Hm: Ee hikura kpwa Mwanza ko Chiziyamonzo. C: Haya ndo sambi nidze nikale ndo nikalaviwe nze ni Nyamawi. Hm: Ee ko Mwamoko. Aa tsinyala. C: Hata unauka ndo uchinipha shilingi elufu mwenga uchinamba yuyatu mutumia kamanya kuphula mizigo, kpwa vivyo tsakula muganga. Ndo nichilaviwa ni Chizi wa Mwanyoe. Chizi wa Mwanyoe naye achishindwa, achiniyira nguwo yangu ya mudigo. Haya we unadza uchiniphirika kpwa Mwainzi sambi. Aa na aganga anji. Hm: Sambi achifaulu ye Mwainzi.
[4] C: Mwainzi wafaulu. Aa Mwainzi yunaphula mizigo. Na Mwainzi kenzi kuphisa hata pointi mwenga. Kpwanza ye Mwainzi, lakini muchewe ni mujeuri. Muchewe ni mujeuri. Samba hata wanilavya nze na kurira phara, kpwa yukosana na hiyu. Murina: Yunamba hulale yundanonyesa machero na chiramuko. Namwamba kaviidimikika. Ni rero. C: Achenda nonyesa na matsozi. M: Saa zichere zinaruhusu, kuchere dzuwa hiri. Hangbwe yutsoka, yunamba ni bahi. Namwamba apana. C: Mwainzi achikala hata mutumiangbwa kaidima chigulu kahi wahendwadze ko madzini. M: Walumwa ni Laika. C: Walumwa. Yunadza ni gunyu hiyo. chisha achiphokpwa chisingu. M: Tso walumwa ni laika vyo. C: Yunadza gulu kariidiima nami ni mukongo wa gulu nami, hata tsiidima kulaa hata nihenda hambala. M: Walumwa ni Laika ye Mwainzi. Phakala phana nyoka mubomu hata uno mutsi ni udide. C: Kpwani Kalimbo kendere kuzuzani? M: Wakpwenda. Kuku kokala kunalaira Mwainzi pharatu Puma, phara madzini kuku upande wa dzulu. Phakala phana nyoka dza viratu. Ndo mwainzi achenda chimbuka pho phenye nyoka. Ye muchetu yuphenya na kura ndani kura. C: Kpwani katika chitswa cha uganga, yuyu mwainzi kafika muchewe. Ye muche yu mbere, mulume yu nyuma. Lakini kpwa bidii Mwainzi yu mbere. Ela muche ni mujeuri, kumuchemera ye mulumewe hata.
[5] M: Muche yunahenza afanye asaze. Mwainzi kenzi kusaza na kenzi kuchatuka. Kugbwira hipha phano aphariche. Mwainzi ni atuwe njira kabisa. Sambi viratu ndo kavihenzwa ni yuyatu muche. Mwainzi kasaza chila chitu, kabisa. Ela yuyatu muchetu chidzako ni mukaha. Hm: yudzona bora ni amale tu, amale mapema tu. C: Na tsiku zira wakala yuna tumbo. Hm: Yiye? Ndo maana. M: Wakala yuna tumbo, sambi achikala yutsoka. Bemba chikala udzitsoka yikabidhi munzio tu we yo kazi. C: Ye mwanawe mumwenga dzuzi namona phapha. Nakpwambira vyo? M: Mm. Ye Mwaka. Hm: Sambi mulipholaa kpwa Mwainzi, munalaviwa kahiri mupemba ni ye Moneni? C: Aa lakini washindwa. Kadzangbwe kuuya hata vivi. Na kanishonerere hata pingu. Hm: Vyoo kumba. Lakini yiyatu ngoma yasira tototo sana. C: Yo ngoma yasirato. Yasira tototo sana. Tsiku yiyo Kalimbo ndiyo kala yunauka? Hm: Ee! C: Kalimbo wa ni pindi. Ni pindi sana. Hangu Chiziyani! Hata atu anamba ameyo wauka kura. Wambwa namanya yu Ngelenge kpwa Bekpwekpwe. Mba ye yunauka sino hwakala hudzimwambira kare kukala hunatsama hudze kuku. Na dambwa ni Mwanakombo Changare hunamusa ye ameyo phapho hwende naye kure kpwenye. Wamba hata mukenda nayephi chisha mino nichimusikira nenda. Wafa be yuya mwanamuche. Yuya wa chidani tele yuya. Wafa dzuzi.